Rikicin APC: An bawa Oshiomole cin hancin $500,000 amman Ya 'ki Karba

Gwamnan ya bukaci shugaban APC ya baiwa na

kusa da shi tikitin takarar zaben gwamna. AmmaOshiomole ya jaddada cewa ka’idojon jam’iyyar za’a bi. Kana, uwar jam’iyyar APC ta yi kokarin sulhu da gwamnan jihar Imo, Rochas Okorocha, amma gwamnan ya kiya, ya lashi takobin cewa shi zai fitar da dukkan yan takara.

Apc Chairman

Majiyar Sahara Reporters ta bayyana cewa

sabanin zarge-zargen da ake yiwa Oshiomole

cewa ya karbi cin hanci daga hannun wasu

jigogin jam’iyyar, wasu yan takaran ke kokarin yi

mas tuggu.

Wata majiya mai karfi da aka sakaye sunanta

tace:

“Abin ya kai, wani gwamna ya baiwa Oshiomole , kimanin $500,000 domin samun tikitin gwamnan jiharsa.” Daya daga cikin yaran gwamnan ya kawo kudaden ofishi Oshiomole amma bai amsa ba.”

“Kawai sai shugaban APC ya sanar da kwamitin gudanarwar jam’iyyar kan abinda ya faru kuma ya sanar da wasu shugabannin jam’iyyar.”

Mun kawo muku rahoton cewa Kan gwamnonin

yankin Yarbawa shida ya rabu kan shugaban

jam’iyyar All Progressives Congress, Adams

Oshimohole, Legit Hausa ta samu rahoto.

Jaridar Punch ta bada rahoton cewa yayinda

wasu na kokarin ganin cewa an cire Oshiomole

daga kujerarsa bisa ga rikicin da ya kawo

jam’iyyar, wasu sun ce babu yadda za’ayi a

ciresa.

Wadanda suka yi mubaya’a ga Oshiomole sune

gwamnonin da ke biyayya ga babban jigon

jam’iyyar, Asiwaju Bola Ahmed Tinubu, wanda

ya kunshi gwamnan jihar Legas, Akinwumi

Ambode; gwamnan jihar Osun, Rauf Aregbesola;

gwamnan jihar Oyo, Abiola Ajimobi.

Gwamnonin suke yiwa Oshiomole tawaye sune

gwamnan jihar Ogun, Ibikunle Amosun da

gwamnan jihar Ondo, Oluwarotimi Akeredolu.

Sun kulla gaba da Oshiomole ne sanadiyar

abinda ya musu a zaben fidda gwanin jam’iyyar

a jihohinsu.

SOURCE : HAUSALEGIT.NG