Alhaji Tanko yakasai Ya Aikewa da Buhari Sako, "kar ka dauka kayi nasara akan Atiku : cewar yakasai

Kar ka dauka ka gama samun nasara a kan Atiku - Tanko Yakasai ya aika sako ga Buhari 

Yakasai a wata hira da jaridar The Sun yace akwai illa sosai tattare da yasar da Atiku a lissafin mulkin kasar.

Da yake Magana akan shirin Atiku na zuwa kotu akan sakamakonzaben Shugaban kasa da ya gudana a ranar Asabar, 23 ga watan Fabrairu, Yakasari yace Atiku yayi amfani da duk wata dama da yake da ita.

Yace: “A koda yaushe zan goyi bayan mutane da su je kotu saboda kotu ce mai sulhunkarshe. Bana son a cuci kowa. Ya je duk inda yake da dammar baje kwanjinsa.”
Yakasai yace kada Shugaban kasar ya dauka ya gama samun galaba akan Atiku domin a cewarsa shugaba Buhari ya lashe ikon siyasa ne kawai nyayinda Atiku ya lashe ikon tattalin arzikin kasar.

A wani lamari na daban, mun ji cewa an nemi tsohon babban alkalin alkalai na kasa (CJN), Walter Onnoghen, an rasa shi a gaban kotun ladabtar da ma'aikata ta kasa (CCT), inda ake ci gaba da yin shari'arsa kan zarginsa da gaza bayyana kadarorinsa.
Lauyansa, Adegboyega Awomolo (SAN), a yayin da yake gabatar da dalilin rashin zuwan wanda ya ke karewa, ya shaidawa kotun cewa, a daren ranar Litinin, an sanar da shi cewa mai shari'a Onnoghen na fama da ciwon hakori.
Ya gabatarwa kotun takardar asibiti da ta tabbatar da wannan ikirari na sa.