Osinbajo yayi ganawar sirri da gwamnonin Adamawa da Bauchi

Mataimakin shugaban kasa, Farfesa Yemi Osinbajo ya kada da gwamnonin jihar Bauci da na Adamawa, ya gana da mutanen biyu ne a lokuta daban-daban, kuma ganawar an yi ta ne a sirrance.

Dukkan gwamnonin biyu suna fuskantar babban kalubale daga zaben da aka gabatar a ranar 9 ga watan Maris din nan da muke ciki, inda hukumar zabe mai zaman kanta ta bayyana zabukkan jihohin shida a matsayin wadanda basu kammala ba, cikin harda na Bauci da Adamawa.

Dukkan gwamnonin biyu basu ce ma manema labarai komai bayan kammala tattaunawar, ranar 23 ga watan Maris ne za a sake gudanar da zabukka a wasu yankuna na jihohi shidan da aka bayyana zabukkansu a matsayin wanda bai kammala ba.